Tender bo‘yicha yo‘riqnomaga o‘zgartirish kiritiladi

Normativ-huquqiy hujjatlar loyihalari muhokamasi portalida “Tender bo‘yicha takliflarni baholash tartibi to‘g‘risidagi yo‘riqnomaga o‘zgartirish va qo‘shimchalar kiritish haqida”gi Avtomobil transport agentligi boshlig‘ining buyrug‘i loyihasi joylashtirildi.

Tender bo‘yicha takliflarni baholash tartibi to‘g‘risidagi yo‘riqnomaga kiritilayotgan o‘zgartirish va qo‘shimchalar:
 
1. 9-band quyidagi mazmundagi xatboshi bilan to‘ldiriladi:

 “Bunda tavsiya etilayotgan ish rejimi varianti, talab etilayotgan variantdan kam bo‘lmagan taqdirda, talabgor besh ball oladi.”.

2. 10-band quyidagi mazmundagi xatboshi bilan to‘ldiriladi:

“Bunda taklif etilayotgan yo‘nalishdagi qatnovlar soni, talab etilayotgan qatnovlar sonidan kam bo‘lmagan taqdirda, talabgor besh ball oladi.”.

3. 12-band o‘z kuchini yo‘qotgan deb topiladi.