Xitoy AQSh kemasi bilan bog‘liq hodisani izohladi

Xitoy Tashqi ishlar vazirligi Janubi-Xitoy dengizida Luyang esminetsining AQSh harbiy-havo kuchlariga qarashli Decatur esminetsi bilan xavfli yaqinlashuvi bo‘yicha hodisaga izoh berdi. Tegishli xabar Xitoy Tashqi ishlar vazirligi veb-saytida joylashtirilgan.

Vazirlikdan ta'kidlashlaricha, Amerika kemasi XXR hukumatining ruxsatisiz Janubi-Xitoy dengizidagi Nansha orollari yaqinidagi suvlarga kirgan. Shu munosabat bilan u yerga Luyang esminetsi yuborildi.

«Xitoy Janubi-Xitoy dengizidagi orollar va unga yondosh suvlar ustidan shubha ostiga olinmaydigan suverenitetga ega», - deyiladi xabarda.

Shuningdek, Xitoy Tashqi ishlar vazirligidan qo‘shimcha qilishlaricha, Xitoy hukumati va ASEAN davlatlarining sa'y-harakatlari tufayli dengizdagi vaziyat barqarorlashishda davom etmoqda, biroq AQSh Janubi-Xitoy dengizi suvlarida «bir necha marta provokatsion harakatlarga o‘tdi».

Eslatib o‘tamiz, avvalroq AQSh esminetsi va Xitoy kemasining to‘qnashib ketishiga bir baxya qolgani ma'lum bo‘lgandi.