Xillari Klintondan maxfiy ma'lumotdan foydalanish huquqi olib qo‘yildi

AQSh sobiq davlat kotibi, prezidentlikka sobiq nomzod Xillari Klintondan hukumatning maxfiy ma'lumotlariga kirish huquqi olib qo‘yildi. Bu haqda Davlat departamentining xatida aytiladi, u Politico tomonidan e'lon qilindi.

Klinton joriy yilning 30 avgustidan boshlab maxfiy ma'lumotlarga kirish huquqidan mahrum bo‘lgan. Ta'kidlanishicha, bu uning iltimosiga ko‘ra amalga oshirilgan.

Bundan tashqari, Klintonning yordamchisi Sheril Maylz, shuningdek, nomlari oshkor etilmagan yana to‘rt kishi maxfiy axborotdan foydalanish huquqini yo‘qotdi. 

Eslatib o‘tamiz, avvalroq AQSh sobiq prezidenti Barak Obamada 2016 yilgi saylovlar bo‘yicha maxfiy reja bo‘lgani xabar qilingandi.