Iroqda ichimlik suvidan zaharlanganlar soni 111 ming kishiga yetdi

Iroqning Basra viloyatida ichimlik suvidan zaharlanganlar soni 111 ming kishiga yetdi. Bu haqda BMTning inson huquqlari bo‘yicha oliy komissarining Basra shahridagi ofisi direktori Mahdi at-Tamimiyga iqtibos keltirgan holda Al-Sumaria telekanali ma'lum qildi.  

Avvalroq 27 ming kishi zaharlangani ma'lum qilingan. At-Tamimiyning aytishicha, komissariat markaziy va mahalliy hokimiyatdan bu masala bo‘yicha aniq va jiddiy pozitsiyani talab qilmoqda.

Basrada 8 iyulda suv va elektr ta'minotidagi uzilishlarga qarshi norozilik namoyishlari boshlanib, boshqa shaharlarga ham ko‘chgan. Vaziyat Iroqning janubiy viloyatlarida havo harorati 50 darajagacha yetgani sababli yanada murakkablashgan.

Hukumat namoyishchilarning talablarini bajarish uchun maxsus komissiya tuzgani va Basra aholisiga ichimlik suvi quvurlari va elektr ta'minotini tiklashga 2 mlrd dinor (17 mln dollar) ajratishini ma'lum qilgan.