Assanj qanday shart bilan Britaniyaga taslim bo‘lishi mumkinligini aytdi

Foto: RIA Novosti / Aleks Maknoton

WikiLeaks asoschisi Julian Assanj Britaniya hukumatidan ekstraditsiya qilinmasligiga yozma tasdiqlov olsa, Birlashgan Qirollikning tegishli idoralariga taslim bo‘lishga tayyorligini ma'lum qildi. Bu haqda Assanjning Ekvadordagi advokati Karlos Poveda ma'lum qildi.

“Bu shart davlatlar (Britaniya va Ekvador) o‘rtasidagi kelishuv kabi yozma shaklda bo‘lishi lozim. Unda AQShga yoki uchinchi davlatga ekstraditsiya bo‘lmasligi ko‘rsatilgan bo‘lishi kerak. Agar shu shart bajarilsa, Assanj Britaniya sudi oldida turadi”, deb aytgan Poveda.