AQShda strategik yadroviy kuchlar mashg‘ulotlari boshlandi

AQShda 29 oktabrda strategik yadroviy kuchlarning har yili o‘tkaziluvchi Global Thunder-2019 mashg‘ulotlari boshlandi. Bu mashg‘ulotlar doirasida alohida e'tibor yadroviy tiyib turishga qaratiladi. Bu haqda AQSh qurolli kuchlari strategik qo‘mondonligi boshlig‘i general Jon Xayten ma'lum qildi. 

Xaytenning aytishicha, “yadroviy uchlik strategik tiyib turishning asosi hisoblanadi, AQSh qo‘shinlari esa zarurat bo‘lganda dunyoning istalgan nuqtasida buyruqlarni bajarishga tayyor bo‘lishi lozim”.

Mashg‘ulotlarda amerikalik harbiylardan tashqari, Avstraliya, Buyuk Britaniya, Daniya, Kanada va Janubiy Koreya harbiylari ham ishtirok etadi. “21-asrda tiyib turish global yondashuv bo‘lishi va unda ittifoqdoshlarimiz va hamkorlarimiz ham ishtirok etishi kerak”, deb ta'kidlab o‘tgan Xayten.    

Mashg‘ulotlar davomida global zarba berish va raketalarga qarshi mudofaa vositalari harakatlari mashq qilinadi.