Mauro Ikardi barcha jamoadoshlariga qimmatbaho soatlar sovg‘a qildi

“Inter” hujumchisi, 2017/18 yillardagi mavsumda Italiya chempionati to‘purariga aylangan Mauro Ikardi o‘z jamoadoshlariga minnatdorlik sifatida qimmatbaho soatlar sovg‘a qildi. 

Ikardi to‘purar nomini “Latsio” hujumchisi Chiro Immobile bilan birga bo‘lishgan. Ularning ikkisi ham chempionatda 29 ta goldan urgan.

Ikardi bunday yuqori natijaga erishishida har bir jamoadoshining hissasi borligini qayd qilib, ularning har biriga qimmatbaho soat xarid qilgan. Mauro A seriyasida ikkinchi “Oltin butsa”ni qo‘lga kiritdi. U, shuningdek, 2014/15 yillardagi mavsumda ham eng yaxshi to‘purar bo‘lgandi.