Fazoga Oyning qorong‘i tomonini tadqiq qiluvchi ilk qurilma uchirildi

Xitoy 8 dekabrda Yerning tabiiy yo‘ldoshi – Oyning qorong‘i tomonini tadqiq qiluvchi ilk zondni fazoga uchirdi. Qurilma Xitoy dasturining navbatdagi qadami bo‘lgan.

“Chang'e-4 nomli zond Oyning Janubiy qutbida qo‘nishi kerak. Avvalroq koinot qurilmalari Oyning qorong‘i tomonini ko‘zdan kechirgan, biroq unga qo‘nmagan. Zond panoramali kamera va o‘lchash asboblari bilan jihozlangan”, deyilgan xabarda.

Ta'kidlanishicha, Xitoy koinotni zabt etish borasida katta rejalarga ega bo‘lib, 2020 yilda Oyga lunoxod jo‘natmoqchi, 2022 yilgacha esa o‘z koinot stansiyalarini qurmoqchi. Xitoy, shuningdek, 2029 yilgacha Yupiterga tadqiqot missiyasini jo‘natishni rejalashtirgan.