O‘zbekistonda bo‘lish qoidalarini buzish bilan bog‘liq jinoyatlar liberallashtiriladi

O‘zbekiston Respublikasi prezidenti “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi to‘g‘risida”gi farmonni imzoladi.

Hujjat bilan O‘zbekiston Respublikasi Ichki ishlar vazirligi Bosh prokuratura, Davlat xavfsizlik xizmati, Adliya vazirligi va boshqa manfaatdor idoralar bilan birgalikda bir oy muddatda quyidagilarni nazarda tutuvchi qonun loyihasini Oliy Majlis Qonunchilik palatasiga kiritadi:

O‘zbekiston Respublikasida bo‘lish qoidalarini buzish bilan bog‘liq jinoyatlarni liberallashtirish;

O‘zbekiston Respublikasida bo‘lish qoidalarini buzganlik uchun ma'muriy javobgarlik choralarini differensiatsiya qilish, ushbu toifadagi ishlarning vakolatli davlat organlari tomonidan tezkor ko‘rib chiqilishini ta'minlash.