APL. "Liverpul" durang o‘ynab, peshqadamlikni qo‘ldan chiqardi

Angliya chempionati 29-turidan o‘rin olgan navbatdagi uchrashuv o‘z nihoyasiga yetdi. 

"Liverpul" safarda "Everton" bilan kuch sinashib, durang qayd etdi – 0:0.

Shu tariqa "Liverpul" ushbu turda g‘alaba qozongan "Manchester Siti"ga peshqadamlikni topshirdi. "Siti" 29-turdan so‘ng 71 ochko to‘plagan bo‘lsa, "Liverpul" hisobida 70 ochko mavjud. "Everton" esa 37 ochko bilan 10-o‘rinda bormoqda. 

Everton – Liverpul 0:0

Everton – Pikford, Koulmen, Din, Zuma, Kin, Guyye, Shnayderlin (Andre Gomesh, 76), Sigurdsson, Bernard, Uolkott (Risharlison, 59), Kelvert-Lyuin (Tosun, 74).
Liverpul – Alisson, van Deyk, Aleksander-Arnold, Matip, Roberson, Fabino, Xenderson, Veynaldum (Milner, 63), Mane (Lallana, 84), Salax, Origi (Firmino, 63).
Ogohlantirishlar: Uolkott (7), Roberson (75), Fabino (79).