Qozog‘iston parlamenti poytaxt nomini Nursulton deb o‘zgartirishni ma'qulladi

Qozog‘iston parlamenti deputatlari ikkinchi, yakuniy o‘qishda poytaxtni Nazarboyev sharafiga Nursulton deb nomlash to‘g‘risidagi Konstitutsiyaga tuzatishlarni qabul qilishdi.

RIA Novosti xabariga ko‘ra, Qozog‘iston parlamenti quyi palatasi spikeri Nurlan Nigmatulin ushbu qarorni tarixiy, deb atagan.

Bundan oldin, Qozog‘iston prezidenti Qosim-Jomart Toqayev Ostona shahri nomini Nursulton deb o‘zgartirishni taklif qilgandi.

Bundan tashqari, Toqayev Nazarboyevni davlatda mavjud bo‘lgan barcha yuksak unvonlar bilan taqdirlashni taklif qildi.

Shuningdek, Tokayevning fikricha, Nazarboyevga «faxriy senator» maqomini berish, Qozog‘iston birinchi prezidentining barcha suratlari esa davlat idoralarida majburiy tarzda osib qo‘yilishi lozim.

Eslatib o‘tamiz, avvalroq Darig‘a Nazarboyeva Qozog‘iston senatining yangi raisi etib saylangandi.