Kokorin va Mamayev qamoqda qoladigan bo‘ldi

Moskva shahrining Presnya sudi «Zenit» hujumchisi Aleksandr Kokorin, uning ukasi Kirill Kokorin, «Krasnodar» yarimhimoyachisi Pavel Mamayev va uning do‘sti Aleksandr Protasovitskiy ustidan ochilgan jinoyat ishi bo‘yicha mahkama o‘tkazdi.

Unda tergovchilarning iltimosnomasiga ko‘ra, ayblanuvchilarning hibsdagi muddatini cho‘zish masalasi ko‘rildi. Sud iltimosnomani qondirib, hibs muddatini yana 6 oyga uzaytirdi. Endi ayblanuvchilar 25 sentyabrga qadar tergov izolyatorida qolishadi.

Eslatib o‘tamiz, 2018 yil oktabr oyida aka-uka Kokorinlar, Mamayev va Protasovitskiy Moskva shahridagi bir necha mushtlashuvlarda ishtirok etishgani uchun 8 dekabrga qadar hibsga olingan edi. Keyinchalik, tergov ishlari yakunlanmagani uchun hibs muddati 2 marta - 8 fevralga va 8 aprelga qadar uzaytirilgandi.