Tsukerberg Facebook’ning yangi dizaynini namoyish qildi
Facebook kompaniyasi dasturchilar uchun mo‘ljallangan F8 anjumanida ijtimoiy tarmog‘ining yangi dizaynini namoyish qildi. Yangi dizayn FB5 deb nomlangan. Kompaniya rahbari Mark Tsukerbergning ta'kidlashicha, bo‘lg‘usi o‘zgarishlarda foydalanuvchilar daxlsizligi muhim rol o‘ynaydi.
Jumladan, ijtimoiy tarmoqning yangi dizaynida guruhlarga urg‘u berilgan. Ular sahifa markaziga joylashtiriladi. Foydalanuvchilarga izlash qulayroq bo‘lishi uchun yaxshilangan tavsiyalar tizimi taklif qilinadi.
Yangi dizaynda avvalgi dizaynda ustunlik qilgan ko‘k rangdan deyarli to‘liq voz kechish ko‘zda tutilgan. Bundan tashqari, sayt “qalpog‘i” yo‘qoladi, dizayn ochroq ranglarda bajariladi.
Facebook asoschisi Mark Tsukerbergning aytishicha, dasturning nafaqat tashqi ko‘rinishi, balki funksiyalari ham o‘zgaradi. “Umuman, biz sizga izlashingiz va siz ko‘proq ishlatadigan funksiyalarni qo‘llashingiz qulayroq bo‘ladigan o‘zgartirishlar qildik”, deb ta'kidlab o‘tgan Tsukerberg.
Ta'kidlanishicha, dasturning yangi versiyasi yaqin oylarda iOS va Android operatsion tizimlari uchun paydo bo‘ladi. Shuningdek, kompaniyaning boshqa dasturlari – WhatsApp, Instagram va Messenger ham o‘zgarishlarga uchraydi.
Mavzuga oid
22:51 / 05.03.2024
Facebook va Instagram butun dunyo bo‘ylab vaqtincha ishlamay qoldi
21:32 / 01.02.2024
Tsukerberg ijtimoiy tarmoqlar qurboni bo‘lgan o‘smirlarning ota-onasidan uzr so‘radi
21:41 / 17.11.2023
Prezident O‘zbekistonda dizayn maktabini rivojlantirish bo‘yicha topshiriq berdi
18:54 / 20.05.2023