Musulmon sayyohlar orasida eng ommaviy davlatlar ma'lum qilindi 

CrescentRating kompaniyasi MasterCard bilan hamkorlikda an'anaviy Global Muslim Travel Index (GMTI) reytingini tuzdi. Bu reytingda musulmon sayyohlar orasida eng ommaviy davlatlar keltirilgan.

Mutaxassislar reytingni tuzishda atrof-muhit, xizmatlar sifati, narx va kommunikatsiya kabi mezonlarni tahlil qilib chiqishgan. Reytingning tarixida Indoneziya ilk bor1-o‘rinni egalladi. Shu bilan birga, Malayziya ham 1-o‘ringa loyiq topilgan. Ikkala davlat ham 78 ball to‘plagan.

Shuningdek, yetakchi o‘ntalikdan Turkiya (75 ball), Saudiya Arabistoni (72 ball), BAA (71 ball), Qatar (68 ball), Marokash (67 ball), Bahrayn (66 ball), Ummon (66 ball) va Bruney (65 ball) o‘rin egallagan.

Dunyoning yetakchi davlatlaridan Rossiya va AQSh 46-o‘rinni egallagan. Ular bilan bu o‘rinni Gambiya, Mali va Nigeriya bo‘lishgan.

O‘tgan yilgi reytingda 1-o‘rinni Malayziya, 2-o‘rinni Indoneziya egallagan.