Shavkat Mirziyoyev qator mamlakatlar rahbarlariga tabrik yo‘lladi

O‘zbekiston Prezidenti Shavkat Mirziyoyev qator mamlakatlar prezidentlariga ushbu mamlakatlar milliy bayrami munosabati bilan tabrik yo‘lladi. Bu haqda prezident matbuot xizmati xabar berdi.

Xabar qilinishicha, O‘zbekiston prezidenti Iordaniya Podshohi Abdulla Ikkinchiga ushbu mamlakat Mustaqilligi kuni munosabati bilan tabrik yo‘lladi.

Shavkat Mirziyoyev shuningdek, Gruziyaning milliy bayrami - Mustaqillik kuni munosabati bilan prezident Salome Zurabishvilini tabrikladi.

Bundan tashqari, O‘zbekiston prezidenti 25 may kuni Argentina milliy bayrami - May inqilobi kuni munosabati bilan prezident Maurisio Makriga tabrik yo‘lladi.