Qozon shahrida ilk bor MDH davlatlari sport o‘yinlari bo‘lib o‘tadi

Qozon shahri ilk bor MDH davlatlari sport o‘yinlarini qabul qiladi, deb xabar berdi RIA Novosti. Musobaqalar 2020 yil 20-27 avgust kunlari bo‘lib o‘tadi. O‘yinlarni o‘tkazish loyihasi hukumat komissiyasi tomonidan tasdiqlandi.

Musobaqalarda Rossiya, Belarus, Ukraina, Ozarboyjon, Armaniston, Qozog‘iston, Qirg‘iziston, Moldova, Tojikiston va O‘zbekistondan ikki mingdan ortiq sportchi qatnashishi kutilmoqda. 

O‘yinlar qatnashchilari sportning 19 turi bo‘yicha medallar uchun kurash olib borishadi. Musobaqalar dasturidan futbol, yengil atletika, dzyudo, sambo, sport raqsi, shaxmat, og‘ir atletika va belbog‘li kurash kabi sport turlari joy olgan.