Shimoliy Koreya ikkita raketa uchirgani ma'lum qilindi

Janubiy koreyalik harbiylar Shimoliy Koreya ikki hafta ichida 4-marta noma'lum snaryadlarni uchirganini ma'lum qildi. Bu haqda “Ryonxap” axborot agentligi xabar berdi. 

Janubiy koreyalik harbiylar ma'lumotlariga ko‘ra, raketalar 6 avgust erta tongda Xvanxe-Namdo viloyatidan uchirilgan.

Keyinroq Shimol kichik ta'sir masofasiga ega ballistik raketa uchirgani, uning ko‘rsatkichlari 25 iyulda uchirilgan raketalarnikiga o‘xshashligi ma'lum qilingan. Raketa 450 kmga yaqin masofani uchib o‘tgan, parvozining maksimal balandligi 37 kmni tashkil qilgan. 

Seulda Pxenyan BMT xavfsizlik kengashi unga taqiqlagan ballistik raketalarni sinovdan o‘tkazgan deb hisoblanmoqda. 

Janublik harbiylar Shimol 2 avgustga o‘tar kechasi ham ikkita raketa uchirganini, 25 iyulda esa yangi turdagi ballistik raketani sinovdan o‘tkazganini ma'lum qilishgandi. Shimoliy Koreya, o‘z navbatida, “Janubiy Koreyadagi urush qo‘zg‘ovchilarga” ogohlantirish belgisi sifatida yangi “boshqariluvchi taktik raketalar”ni sinovdan o‘tkazganini aytgan. 

BMT Xavfsizlik kengashi sanksiyalar kiritish tahdidi ostida Shimoliy Koreyaga ballistik raketalar ishlab chiqish va uchirishni taqiqlagan.