Kun.uz o‘quvchilari endi saytda izoh qoldirishi mumkin

Kun.uz o‘quvchilari endilikda saytda e'lon qilingan xabar va maqolalarga izoh qoldirish imkoniyatiga egalar. Bu jarayon sinov rejimida ishga tushirilmoqda hamda sentabr oyi davomida tekshiruvdan o‘tkaziladi.

Izoh qoldirish uchun ijtimoiy tarmoqlardagi sahifalar yoki mobil telefon raqami orqali ro‘yxatdan o‘tish lozim bo‘ladi.

Kun.uz eslatadiki, sayt haqoratli va boshqa shaxslar qadr-qimmatini kamsituvchi izohlarni e'lon qilmaslik hamda o‘chirib yuborish huquqiga ega. Izoh mazmuni O‘zbekiston Respublikasi qonun hujjatlari, shuningdek, umume'tirof etilgan axloq-odob qoidalariga zid bo‘lmasligi lozim. Bu boradagi shartlar bilan batafsil ushbu havola orqali tanishishingiz mumkin.