Nurmagomedov Porega bergan va'dasi ustidan chiqdi

Rossiyalik yakkakurashchi Xabib Nurmagomedovdan mag‘lubiyatga uchragan amerikalik yakkakurash jangchisi Dastin Pore o‘zi asos solgan The Good Fight Foundation jamg‘armasiga xayriya mablag‘i o‘tkazgani uchun dog‘istonlik sportchiga minnatdorlik bildirdi.

“Sening saxiy xayriyang va va'dang ustidan chiqqaning uchun rahmat. Sen qo‘shgan hissa odamlarga yordam beradi”, deyilgan jamg‘armaning tvitterdagi sahifasida. 

7 sentyabrda Pore Abu-Dabida o‘tgan jangda Nurmagomedovga mag‘lub bo‘lgandi. Jangdan keyin ikki yakkakurashchi o‘zaro futbolkalar almashishgan. O‘shanda Nurmagomedov Porega u bergan futbolkani auksionda sotib, tushgan pulni raqibi jamg‘armasiga o‘tkazishini aytgan.