Saudiya Arabistoni hujumlardan keyin yonilg‘ini yetkazishni to‘liq tiklay oldi

Saudiya Arabistoni Saudi Aramco kompaniyasi obektlariga hujumlar sababli izdan chiqqan energiya tashuvchilarni yetkazishni to‘liq tiklashga muvaffaq bo‘ldi. Bu haqda podshohlikning energetika vaziri Abdulaziz bin Salmon Ol Saudga iqtibos keltirgan holda “Al-Arabiyya” telekanali xabar berdi.    

Vazirning ta'kidlashicha, Saudiya Arabistoni sentyabrda mijozlarga neftni to‘liq hajmda yetkazib beradi. Shuningdek, Ar-Riyod neft qazib olish hajmini yarmiga tiklashga muvaffaq bo‘lgan, sentabr oxiriga esa avvalgi hajmga chiqmoqchi.

Vazir jahon hamjamiyatini Saudi Aramco obektlariga hujumga javoban qat'iy harakatlar amalga oshirishga chaqirdi.

14 sentyabrga o‘tar kechasi Saudiya Arabistonining davlat neft kompaniyasi Saudi Aramco’ning ikkita zavodi hujumga uchradi. Bu Saudiya Arabistonida neft qazib olish hajmining 2 barobarga kamayishiga olib kelgan.