«Barselona» Messi yana jarohat olganini tasdiqladi

Bir oydan ortiq vaqt davomida jarohatini davolagan Lionel Messi safga qaytganidan keyin «Barselona» safida boshlang‘ich tarkibda tushgan ilk o‘yinidayoq yangi jarohat orttirib olgan.

U 24 sentabr kuni «Vilyarreal»ga qarshi kechgan o‘yinning (2:1) birinchi bo‘limida jarohat olgan. Bu ma'lumot «Barselona» matbuot xizmati tomonidan rasman tasdiqlandi. 

Argentinalik futbolchi chap oyog‘idagi bo‘g‘imlarni shikastlab olgan va endi yana tiklanish jarayonini o‘tashi kerak bo‘ladi. U navbatdagi turda «Xetafe»ga qarshi kechadigan o‘yinda ishtirok eta olmaydi.

23 sentabr kuni Lionel Messi FIFAning eng yaxshi futbolchisi unvonini qo‘lga kiritgandi, keyingi o‘yinda u «Vilyarreal»ga qarshi 45 daqiqa davomida harakat qildi. Bu o‘yin uning safga qaytishidan keyin boshlang‘ich tarkibdagi ilk o‘yini bo‘ldi.