O‘zbekiston Doing Busines-2020 reytingida o‘z pozitsiyasini yaxshiladi

Jahon banki va Xalqaro moliya korporatsiyasining Doing Busines-2020 reytingi e'lon qilindi.  

Biznes yuritish uchun eng qulay sharoitlar yaratilganlik reytingida joriy yilda avvalgi yildagidek Yangi Zelandiya yetakchilik qilmoqda. 2-o‘rinni Singapur o‘zida saqlab qolgan. 3-o‘ringa Hongkong ko‘tarilib, Daniyani 4-o‘ringa tushirib yuborgan. Keyingi o‘rinlarni Janubiy Koreya, AQSh, Gruziya, Buyuk Britaniya, Norvegiya va Shvetsiya egallamoqda.  

O‘zbekiston joriy reytingda o‘z pozitsiyasini 7-o‘ringa yaxshilab, 69-o‘rinni (avvalgi reytingda 76-o‘rin) egallagan. 

Markaziy Osiyo davlatlaridan Qozog‘iston eng yaxshi ko‘rsatkichni namoyish qilib, 25-o‘rinni, Qirg‘iziston 80-o‘rinni, Tojikiston 106-o‘rinni egallagan. 

“Biznes yuritish” dokladi 17-marta tuzilmoqda va 190 ta davlatni qamrab olgan. U davlatlarning biznesni rivojlantirishga ko‘mak beruvchi yoki to‘sqinlik qiluvchi me'yorlari, jumladan korxonani yaratish, biznes yuritish, tashqi savdo faoliyatini amalga oshirish, soliqlar to‘lash, investorlar huquqlarining himoyalanganligi darajasini o‘rganadi.