Polshada O‘zbekiston fuqarosi vafot etdi 

Polshada O‘zbekiston fuqarosi vafot etdi. Tashqi ishlar vazirligi Konsullik-huquqiy departamenti bu haqda axborot bilan chiqdi.

Mamlakatning Polshadagi elchixonasi bergan ma'lumotga ko‘ra, 2019 yilning 21 oktabr kuni Mazovetsk o‘pka va sil kasalliklarini davolash markazida (Mazowieckie Centrum Leczenia Chorób Płuc i Grużlicy w Otwocku) 23 avgustdan beri davolanayotgan O‘zbekiston fuqarosi B.R. hayotdan ko‘z yumgan.

Elchixona vaziyatni nazoratga olgan hamda marhumning jasadini vatanga yuborish bilan bog‘liq konsullik-huquqiy va tashkiliy masalalarni hal qilmoqda.

Konsullik-huquqiy departamenti marhumning oila a'zolari va yaqinlariga ta'ziya bildirgan hamda Polsha hududida bo‘lib turgan O‘zbekiston fuqarolariga zarur holatlarda O‘zbekistonning Varshava shahridagi elchixonasiga quyidagi telefon raqami orqali murojaat qilishlari mumkinligini eslatadi: +48-22-894-62-30 (2).