Meksikadagi qishloqni dengiz ko‘pigi egallab oldi (video)

13 noyabr ertalab Meksikaning Kardenas munitsipalitetidagi Vilya Sanches Magalyanes qishlog‘i ko‘chalari dengiz ko‘pigi bilan to‘lib-toshdi. “Ko‘pikli” toshqin balandligi 1 metrgacha yetgan.

Ijtimoiy tarmoqlarda joylashtirilgan videoda oq quyuq ko‘pik ko‘chalar va hovlilarni egallab olganini ko‘rish mumkin. Ma'lum qilinishicha, kuchli dovul va shamol tufayli o‘rnatilgan sovuq havo sababli dengiz to‘lqinlari ko‘piklanib, plyajdan ancha tashqariga chiqib, sohildagi qishloqni “ishg‘ol qilgan”.

Voqea joyiga qutqaruvchilar kelib, mahalliy aholiga antiqa tabiiy hodisa vaqtida yordam berishgan. Mahalliy OAVda ma'lum qilinishicha, ko‘pik tushgacha yo‘qolib, o‘z ortidan ko‘lmaklar va loy qoldirgan.