Eronda general Sulaymoniyning dafn marosimi vaqtida 35 kishi halok bo‘ldi

Bugun marhum generalning ona shahri Kirmonda uni dafn etish marosimi o‘tkazilmoqda, marosimga o‘n minglab kishilar tashrif buyurgan.

«Afsuski, Kirmondagi dafn marosimi ishtirokchilari tiqilinch hosil qilishi oqibatida odamlar halok bo‘lishdi, jabrlanganlar tibbiy markazlarga olib borildi», - degan shahar tez tibbiy yordam xizmati rahbari.

Eron Islom inqilobi muhofizlari korpusi (IIMK)ning «Al-Quds» maxsus bo‘linmasi qo‘mondoni bo‘lgan general Qosim Sulaymoniy 3 yanvar kuni Iroqning Bag‘dod shahrida amerikalik harbiylar bergan aviazarba natijasida halok bo‘lgandi. O‘tgan kunlar mobaynida uning jasadi Ahvaz, Qum va Tehron shaharlari bo‘ylab aylantirildi va bugun Eron janubi-sharqida joylashgan Kirmon shahriga keltirildi.

Seshanba kuni Eronning ko‘plab shaharlarida marhum generalni xotirlash marosimlari o‘tkazilmoqda, shu bilan bir vaqtda AQShga qarshi namoyishlar bo‘lib o‘tmoqda. Sulaymoniyning portretlarini ko‘tarib ko‘chaga chiqqan namoyishchilar «Amerikaga o‘lim» va «Isroilga o‘lim» shiorlarini hayqirishmoqda.

Islom inqilobi muhofizlari korpusi qo‘mondoni general-mayor Husayn Salomiy Kirmondagi dafn marosimi chog‘ida Sulaymoniyning o‘limiga javob sifatida «Qo‘shma shtatlarni sevgan barchaga o‘t qo‘yish» bilan tahdid qildi.

Chislo jyertv davki, proizoshedshey v xode proshchaniya s generalom Kasemom Suleymani v Irane, dostiglo 40 chelovek, soobshchayut iranskiye SMI so ssylkoy na medikov. Vlasti ne mogu obespechit bezopasnost sobravshixsya i poxorony, kak pishut, budut pereneseny na drugoy den. pic.twitter.com/NGhBW6Nu4S

— Roustem Adagamov (@adagamov) January 7, 2020

Seshanba kuni Eron parlamenti bir ovozdan Amerika armiyasi va Pentagonni terrorchi tashkilotlarga tenglashtiruvchi qonun loyihasini qabul qildi

Eron oliy milliy xavfsizlik kengashi Qosim Sulaymoniyning o‘ldirilishi uchun AQShdan qasos olishning 13 xil variantini tayyorlagan.

AQSh hukumati Eron tashqi ishlar vaziri Javod Zarifga viza berishdan bosh tortdi. Vazir BMT Xavfsizlik kengashining 9 yanvar kuni Nyu-Yorkda o‘tkaziladigan yig‘ilishida ishtirok etmoqchi edi.