Britaniyada Brexit’ga atab chiqarilgan oltin tangalar bir kunda sotilib ketdi

Bu haqda Sky News telekanali xabar berdi.

Qirollik zarbxonasi Brexit amalga oshadigan kun - 31 yanvarda bunday tangalardan 1,5 mingtasini sotuvga chiqardi. Har bir tanganing narxi 945 funt sterlingni tashkil qiladi.  

Bundan tashqari, cheklangan miqdorda ikkita 50 penslik tangadan iborat to‘plamlar sotuvga chiqarilgan. Tangalardan biri Britaniyaning Yevropa iqtisodiy hamjamiyatiga kirishi sharafiga 1973 yilda chiqarilgan, ikkinchisi esa 2020 yilgi Brexit’ga atalgan tangadir. Bunday to‘plamdan 5 ming donasi 30 funt sterling narxdan sotuvga chiqarilgan.

Shuningdek, Britaniyaning Yevropa Ittifoqini tark etishiga atab oddiy metalldan ishlangan 3 mln dona 50 penslik esdalik tangalar muomalaga chiqariladi.