AQShda 19 kishi tornado qurboniga aylandi

Bu haqda CNN telekanali xabar berdi. 

Tornado mahalliy vaqt bilan soat 00:40 atrofida Neshvill shahri va uning atrofidagi hududlarga yopirilgan.

Ma'lum qilinishicha, 14 kishi Patnam okrugida, Uilson va Devidsonda 2 kishidan, Benton okrugida bir kishi halok bo‘lgan.

Yana bir necha kishi bedarak yo‘qolgan.

Qutqaruv xizmati ma'lumotlariga ko‘ra, tornado vaqtida 400 ga yaqin shoshilinch yordam so‘ralgan murojaat olingan. 156 kishi shifoxonaga yotqizilgan.

Tabiiy ofat oqibatida 50ga yaqin uy vayron bo‘lgan, elektr uzatish liniyalariga zarar yetgan.