Ilon Mask Oy va Mars suratlarini adashtirib yubordi

Jahon sog‘liqni saqlash tashkiloti koronavirus epidemiyasini pandemiya deb e'lon qilgandan keyin Mask tvitterda Qizil sayyorani zabt etish vaqti kelganini yozgan. Biroq tadbirkor o‘z tvitiga qizil tusdagi Oy suratini ilova qilgan.

Maskning bu xatosini amerikalik astrofizik Nil Degrass Tayson aniqlagan. U Mask ilova qilgan suratda to‘liq tutilish vaqtidagi Oy tasvirlanganini ma'lum qilgan.

pic.twitter.com/IXSO7Ko4z7

— Elon Musk (@elonmusk) March 11, 2020

Biroq Tayson Oyning zabt etilishiga ham qarshiligi yo‘qligini qo‘shimcha qilgan.

“Mehmonxonalar, kurortlar. Ajib taomlar. Biroq men uchun restoranlarda atmosferaning bo‘lmasligi jiddiy kamchilik bo‘ladi”, deb yozgan olim.

Shundan keyin Mask birinchi xabaridan keyin yana bitta tvit qoldirib, unda “Oyni ham”, deb yozib qo‘ygan.