Stikerni qalbakilashtirganlik uchun qanday jazo bor?

Adliya vazirligining xabar berishicha, avtotransport vositalari uchun berilgan stikerlardan maqsadli foydalanishi ustidan o‘tkazilgan nazorat-reyd tadbirlari davomida avtotransportni qalbaki stikerdan foydalangan holda boshqarish holatlari aniqlanmoqda.

Andijonda soxta stiker bilan yurgan 21 yoshli haydovchiga jinoyat ishi ochildi

Davlat xizmatlar agentligi bir kecha davomida berilgan stikerdan maqsadsiz foydalangan 52 nafar haydovchi aniqlangani haqida xabar bergan. Shuningdek, cheklov o‘rnatilgan davrning ilk kunlaridayoq stikerni soxtalashtirishga uringan shaxslar paydo bo‘ldi. Ammo buning uchun qonunchilikda javobgarlik belgilangan.  

Xususan, Jinoyat kodeksining 228-moddasiga ko‘ra, hujjatlarni qalbakilashtirish yoki sotish:

• 11 mln 150 ming so‘mdan 22 mln 300 ming so‘mgacha miqdorda jarima;
• 360 soatgacha majburiy jamoat ishlari;
• 3 yilgacha axloq tuzatish ishlari bilan jazolanadi.

Maxsus stikerlarni qalbakilashtirgan shaxslarga jinoiy ish qo‘zg‘atildi

O‘sha harakatlar:

takroran yoki xavfli retsidivist tomonidan;

bir guruh shaxslar tomonidan oldindan til biriktirib sodir etilgan bo‘lsa:

• 2 yildan 3 yilgacha axloq tuzatish ishlari;
• 3 yildan 5 yilgacha ozodlikni cheklash;
• 3 yildan 5 yilgacha ozodlikdan mahrum qilish bilan jazolanadi.

Maqsadsiz foydalanilgan 52ta stiker bekor qilindi. Mashinalar jarima maydonchasiga qo‘yildi

Hujjatning qalbaki ekanligini bila turib, undan foydalanish:

• 5 mln 575 ming so‘mdan 11 mln 150 ming so‘mgacha miqdorda jarima;
• 300 soatgacha majburiy jamoat ishlari;
• 2 yilgacha axloq tuzatish ishlari;
• 2 yilgacha ozodlikni cheklash;
• 2 yilgacha ozodlikdan mahrum qilish bilan jazolanadi.