O‘zbekistonda koronavirusga chalinish holatlari soni 700ga yaqinlashdi

Sog‘liqni saqlash vazirligi O‘zbekistonda yana 25 kishiga koronavirus infeksiyasidan zararlanish tashxisi qo‘yilgani haqida xabar berdi.

«2020 yil 11 aprel soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 694 nafarni tashkil qilmoqda», deyiladi vazirlik xabarida.

O‘zbekistonda dastlabki bemor 15 mart kuni aniqlangan edi. Aprel oyida bemorlar soni sezilarli darajada ko‘paya boshladi. 10 aprel kuni 87ta holat qayd etilgandi.

Shu vaqtgacha bemorlarning 42 nafari sog‘aygan, 3 kishi vafot etgan.