Foto: Hamma uydaligida ko‘chalarni jonivorlar egalladi

Koronavirus tufayli harakatlanishga o‘rnatilgan cheklovlar ekologiyaga ijobiy ta'sir ko‘rsatdi. Dunyoning turli hududlarida havoning zararlanish darajasi va atmosferaga gazlar chiqishi sezilarli darajada pasaydi. Venetsiyada turistlar yo‘qligi tufayli kanallardagi suvlar tiniqlashdi, ko‘plab shaharlarda odamlardan bo‘shab qolgan ko‘chalarda yovvoyi jonivorlar sayr qila boshladi.

Foto: Zuma/TASS

Koronavirus butun dunyodagi odamlarni uyiga «qamagach», ko‘chalar bo‘shab qoldi. Mashinalar yurmayapti, samolyotlar uchmayapti, dunyo tinchigan. Shunchalik tinchiganki, seysmologlar yer ostidagi kichik silkinishlarni ham aniqlay olishmoqda.

Odamlar uyida o‘tirgan bir vaqtda biz yovvoyi deb ataydigan, aslida esa tabiatning egalari bo‘lgan hayvonlar katta shaharlar ko‘chalariga kirib kelishdi.