Xitoy Saudiya Arabistoniga koronavirusga 9 mlnta test yetkazib beradi

Saudiya Arabistoni va Xitoy koronavirusga testlar va boshqa tibbiy qurilmalar yetkazib berish bo‘yicha 265 mln dollarlik kelishuv tuzdi.

Foto: REUTERS

Bu haqda SPA axborot agentligi xabar berdi. Kelishuvga ko‘ra, Xitoy Saudiya Arabistoniga 9 mlnta test yetkazib beradi.

Podshohlik bungacha AQSh, Shveytsariya va Janubiy Koreyadan umumiy hisobda 14,5 mlnta test sotib olgan.

Ayni vaqtda dunyo bo‘ylab koronavirusga chalinganlar soni 3 mlnga yaqinlashib qoldi, undan 206 mingdan ko‘proq kishi vafot etgan, 880 ming kishi sog‘ayib ketgan. Jumladan, Saudiya Arabistonida kasallanganlar soni 17522 nafarni, vafot etganlar soni 139 nafarni tashkil qilmoqda.