Maktabgacha ta'lim qamrovini 80 foizdan oshirish bo‘yicha topshiriq berildi
Prezident o‘qituvchi va murabbiylar kuniga bag‘ishlangan tadbirda maktabgacha ta'lim sohasida qilinadigan ishlar haqida topshiriq berdi.
«Aynan maktabgacha ta'lim sohasiga bo‘lgan e'tibor mamlakatning ertangi taraqqiyoti uchun mustahkam zamin yaratadi. Ko‘rinib turibdiki, dastlabki natijalar yomon emas. Biroq hali bu borada qiladigan ishlarimiz anchagina.
Sohada davlat-xususiy sheriklik tizimini rivojlantirib, nodavlat sektorning ulushini 75 foizga yetkazish, maktabgacha ta'lim qamrovini esa 80 foizdan oshirish zarur», dedi davlat rahbari.
Shuningdek, tadbir davomida bolalar bog‘chalari uchun kadrlar tayyorlash, qayta tayyorlash va ularning malakasini oshirishning amaldagi tizimi davr talablariga javob bermasligi, maktabgacha ta'limda zamonaviy o‘qitish shakllari, yangi pedagogik va axborot texnologiyalarini joriy qilish masalasi ham dolzarb bo‘lib turgani ta'kidlandi.
Shavkat Mirziyoyev maktabgacha ta'lim sohasidagi yuqorida aytilgan muhim ishlar ijrosi yuzasidan Vazirlar Mahkamasiga ikki oy hukumat qarorini qabul qilish bo‘yicha topshiriq berdi.
Mavzuga oid
08:00 / 13.09.2024
Sirdaryoda 2 yoshli bog‘cha bolasi vafot etgani yuzasidan jinoyat ishi qo‘zg‘atildi
11:38 / 10.09.2024
Samarqandda bog‘cha tarbiyachisi va hamshirasi bolalar ko‘z o‘ngida bir-biri bilan mushtlashdi
13:54 / 31.08.2024
Bog‘cha direktorlariga sertifikat berish tizimi joriy etiladi
07:42 / 20.08.2024