Yangi Zelandiya iqlim inqirozi sababli favqulodda vaziyat e'lon qildi

Yangi Zelandiya parlamenti iqlim o‘zgarishi sababli mamlakatda favqulodda vaziyat e'lon qildi. Bu haqda Guardian nashri xabar bermoqda.

 Parlament tashabbusida aytilishicha, "suv toshqinlari, dunyo okeani sathining ko‘tarilishi va tabiat yong‘inlari Yangi Zelandiyaga va uning aholisi farovonligiga, sanoat sohalari, suv resurslari hamda jamoat salomatligiga salbiy ta'sir ko‘rsatmoqda".

 Yangi Zelandiya ushbu qaror bilan iqlim inqirozi mavjudligini tan olgan va o‘zlarida favqulodda holat e'lon qilgan 32 mamlakat qatoriga qo‘shildi.

 Avvalroq BMT karantin cheklovlari tufayli atmosferaga karbonat angidrid gazi ajralib chiqishi kamayganligini bildirgandi.