«Vatandoshlar» maxsus jamg‘armasi ta'sis etiladi

Chet elda istiqomat qilayotgan vatandoshlarni har tomonlama qo‘llab-quvvatlash, ularni O‘zbekistonning ijtimoiy-iqtisodiy, madaniy va sayyohlik salohiyatini oshirish jarayonlariga faol jalb qilish rejalashtirilmoqda.

2021 yilga mo‘ljallangan davlat dasturi loyihasida aytilishicha, O‘zbekiston Respublikasi prezidentining qarori loyihasi ishlab chiqiladi. Loyihada:

vatandoshlarni har tomonlama qo‘llab-quvvatlash, ular bilan aloqalarni yanada mustahkamlash choralarini ko‘rish hamda ushbu maqsadga qaratilgan “Vatandoshlar” maxsus jamg‘armasini ta'sis etish;
chet ellarda O‘zbekiston Respublikasining ijobiy imijini shakllantirish va mustahkamlashga vatandoshlarni keng jalb qilish nazarda tutiladi.

Bajarish muddati - 2021 yil 10 may, ijro uchun mas'ullar - Tashqi ishlar vazirligi, Investitsiyalar va tashqi savdo vazirligi, Millatlararo munosabatlar va xorijiy mamlakatlar bilan do‘stlik aloqalari qo‘mitasi Moliya vazirligi, Mehnat vazirligi, manfaatdor vazirlik va idoralar.