Braziliyadagi aviahalokatda 4 futbolchi halok bo‘ldi 

Samolyotda uchuvchidan tashqari Braziliyaning 4-divizionida ishtirok etuvchi “Palmas” klubining prezidenti va 4 futbolchisi bo‘lgan. 

Samolyot havoga ko‘tarilishi bilanoq uchish-qo‘nish yo‘lagi yaqinida qulagan.

“Palmas” halok bo‘lganlarning oilalari va yaqinlariga hamdardlik bildirgan. 25 yanvarda klub mehmonda “Vila-Nova” klubiga qarshi o‘yin o‘tkazishi kerak bo‘lgan. Raqib jamoa o‘z hamdardligini bildirgan va uchrashuvning boshqa sanaga ko‘chirilishiga rozilik bergan. 

2016 yil Kolumbiyada Braziliyaning “Shapekoense” futbol klubi a'zolari bo‘lgan samolyot halokatga uchragandi. O‘shanda fojia oqibatida samolyotda bo‘lgan 77 kishidan 6 kishigina tirik qolgan.