Ilon Mask miyasiga chip o‘rnatilgan maymun videoo‘yinlar o‘ynayotganini ma'lum qildi

Tadbirkorning so‘zlariga ko‘ra, chip maymunga hech qanday ozor bermaydigan tarzda teri ichiga o‘rnatilgan. Ta'kidlanishicha, maymun videoo‘yinlar o‘ynay oladi.

Foto: elemens.envato.com

SpaceX va Tesla kompaniyalari asoschisi Ilon Mask maymun miyasiga chip o‘rnatilganini ma'lum qildi. Bu haqda Bloomberg yozmoqda.

Mask o‘zining Neuralink kompaniyasi o‘tkazgan muvaffaqiyatli tajriba haqida ma'lum qilgan. Uning aytishicha, kompaniyada miyasiga implant o‘rnatilgan maymun paydo bo‘lgan.

«U miyasi yordamida videoo‘yinlar o‘ynay oladi», — deya aniqlik kiritgan Mask.

Tadbirkorning so‘zlariga ko‘ra, chip maymunga hech qanday ozor bermaydigan tarzda teri ichiga o‘rnatilgan.

U yaqin oylarda miyasiga chip o‘rnatilgan maymunlar tasvirlangan videolavhalarni taqdim etishga va'da bergan.

Mask o‘tgan yil avgustida Neuralink kompaniyasi mutaxassislari cho‘chqalar miyasiga chip o‘rnatishganini ma'lum qilgandi. Olimlar chip yordamida simsiz aloqa orqali cho‘chqa miyasidagi sezgi markazlarining faolligini kuzatishgan.

#Ilon Mask #chip