Buxoroda qurilayotgan ko‘p qavatli uyda gaz portladi

Buxoro shahrida yangi qurilayotgan uyda portlash ro‘y berishi oqibatida kamida uch kishi jarohatlandi.

Foto: Buxoro viloyati hokimligi

4 fevral kuni Buxoro shahrining Islom Karimov ko‘chasida qurilayotgan ko‘p qavatli uyda portlash sodir bo‘lgan. Bu haqda FVV matbuot xizmati xabar berdi.

Ma'lum qilinishicha, 8 qavatli turar joy binosining 3-qavatida gaz-havo aralashmasining chaqnashi sodir bo‘lishi oqibatida uch kishi jarohatlangan. Jabrlanganlar shahar kasalxonasiga joylashtirilgan.

Hozircha vafot etganlar to‘g‘risida ma'lumot kelib tushmagan.

Ijtimoiy tarmoqlarda tarqalgan videolarda ko‘rish mumkinki, portlash sodir bo‘lgan uy qarshisidagi savdo do‘koniga ham shikast yetgan.

Hodisa joyida FVV hududiy boshqarmasi qutqaruvchilari guruhi ish olib bormoqda.

Buxorodagi ko‘p qavatli uyda sodir bo‘lgan portlash sababi ma'lum qilindi. Hodisadan jabrlanganlar soni oshdi

Buxorodagi gaz portlashida 12 kishi jarohat olgan. Jinoyat ishi ochildi