Ilon Maskning boyligi bir haftada 11,5 mlrd dollarga ko‘paydi

Ushbu haftada texnologiya kompaniyalarining aksiyalari narxi ko‘tarildi, deb yozadi Forbes.

Nashrning yozishicha, 29 yanvardan 5 fevralgacha Tesla asoschisi Ilon Maskning boyligi 11,5 mlrd dollarga oshdi. Tesla aksiyalari narxi bir hafta ichida 7,4 foizga o‘sdi.

Google asoschilari Sergey Brin va Larri Peyjning boyligi mos ravishda 10,4 va 10 mlrd dollarga ko‘paydi. Alphabet aksiyalari narxi hafta mobaynida 14 foizga ko‘tarildi.

Amazon aksiyalari narxi qimmatlashishi evaziga dunyoning eng boy odami Jyeff Bezosning boyligi bir haftada 7,7 mlrd dollarga oshdi. 

Pinduoduo platformasi asoschisi xitoylik Kolin Chjen Xuanning boyligi kompaniya aksiyalari narxi 18 foizga o‘sganidan so‘ng 10,7 mlrd dollarga ko‘paydi. Pinduoduo Xitoyda borgan sari ommalashib bormoqda hamda Alibaba va JD.com kabi gigantlar bilan raqobatlashmoqda, deya qayd etadi Forbes USA.  

 Boyligi bir hafta ichida hammanikidan ko‘proq o‘sgan milliarderlar ro‘yxati quyidagicha:

1. Ilon Mask — 184,3 mlrd (+11,5 mlrd);

2. Kolin Chjen Xuan — 69,1 mlrd (+10,7 mlrd);

3. Larri Peyj — 90,8 mlrd (+10,4 mlrd);

4. Sergey Brin — 88,1 mlrd (+10 mlrd);

5. Jyeff Bezos — 194,7 mlrd (+7,7 mlrd);

6. Tsin Inlin (Muyuan Foodstuff raisi) — 31,8 mlrd (+5,1 mlrd);

7. Tszyan Jenshen (Zhifei raisi) — 27,3 mlrd (+5,1 mlrd);

8. Ma Xuaten — 70,8 mlrd (+4,7 mlrd);

9. Chjan Yun (Haidilao raisi) — 30,3 mlrd (+4,5 mlrd);

10. Larri Ellison (Oracle hammuassisi) — $89,2 mlrd (+$4,3 mlrd)