Qoʻshimcha funksionallar
-
Tungi ko‘rinish
Boeing aviakompaniyalarga 777 laynerlari parvozini to‘xtatib turishni tavsiya qildi
Avvalroq AQShning Denver shahrida bortida 231 yo‘lovchi va ekipajning 10 a'zosi bo‘lgan Boeing 777-200 samolyotining dvigatellaridan biri parvoz vaqtida ishlamay qolgandi. Dvigatelning qoplamasi bo‘laklari undan ajralib ketib, aholi yashaydigan hududga tushgan.
Foto: Hayden Smith
Boeing kompaniyasi aviatashuvchilarga Pratt & Whitney PW4000-112 dvigatellariga ega 777 rusumidagi samolyotlardan foydalanishni vaqtincha to‘xtatib turishni tavsiya qildi.
"Boeing United Airlines aviakompaniyasining 328-reysi bilan sodir bo‘lgan voqeani diqqat bilan o‘rganmoqda. Tekshiruv tugaguniga qadar Pratt & Whitney PW4000-112 dvigatellariga ega 777 rusumidagi samolyotlardan foydalanishni vaqtincha to‘xtatib turishni tavsiya qildik", - deyiladi kompaniya saytida.
Avvalroq AQShning Denver shahrida bortida 231 yo‘lovchi va ekipajning 10 a'zosi bo‘lgan Boeing 777-200 samolyotining dvigatellaridan biri parvoz vaqtida ishlamay qolgandi. Dvigatelning qoplamasi bo‘laklari undan ajralib ketib, aholi yashaydigan hududga tushgan.
Shundan so‘ng AQSh Fuqaro aviatsiyasi federal boshqarmasi (FAA) Pratt & Whitney PW4000 dvigateliga ega Boeing 777 samolyotlari tekshirilishini e'lon qildi.
O‘z navbatida Yaponiya transport vazirligi ham xuddi shu turdagi dvigatelga ega Boeing’lar ekspluatatsiyasini to‘xtatishga qaror qildi. Nippon Airways va Japan Airlines aviakompaniyalari mos ravishda 19 ta va 13ta ana shu samolyotlarga ega.
Mavzuga oid
07:10 / 18.11.2022
MH17 ishi bo‘yicha uch ayblanuvchi umrbod qamoq jazosiga hukm qilindi
08:48 / 22.02.2021
AQShda yuz bergan falokatdan keyin Boeing 777 samolyotlari tekshiriladi
18:20 / 20.03.2018
2014 yilda izsiz g‘oyib bo‘lgan Boeing 777 bo‘laklari Google Maps orqali topildi
08:17 / 13.12.2016