Vazirlik va idoralarda rahbar o‘rinbosari lavozimlaridan 40 tasi qisqartiriladi

Bu – 3 aprel kuni imzolangan «Davlat hokimiyati va boshqaruvi organlarining tuzilmasini maqbullashtirish va shtat birliklari sonini qisqartirish to‘g‘risida» prezident qarorida nazarda tutilgan.

Unga ko‘ra, ayni paytda ro‘yxatga kiritilgan 26 ta vazirlik va idoralar rahbarlarining 110 nafar o‘rinbosari bor. 1 may holatiga, ularning 40 nafari qisqartirilib, o‘rinbosarlar soni 66 nafar qoladi.

Qayd etilishicha, rahbar o‘rinbosarlari lavozimi soni 3 va undan ortiq bo‘lganda rahbarning birinchi o‘rinbosari lavozimi kiritilishi mumkin.

Qaror bilan:

• **Moliya vazirligi huzuridagi Davlat-xususiy sherikchiligi agentligi direktori – moliya vaziri o‘rinbosari lavozimidagi «moliya vaziri o‘rinbosari» maqomi chiqarib tashlanadi;
• ***Oliy va o‘rta maxsus ta’lim vazirining kasb-hunar ta’limi bo‘yicha o‘rinbosari lavozimi qisqartiriladi;
• ****Qurilish vazirligi huzuridagi Qurilish sohasida nazorat inspeksiyasi boshlig‘i – qurilish vaziri o‘rinbosari lavozimidagi «qurilish vaziri o‘rinbosari» maqomi chiqarib tashlanadi;
• *****Transport vazirining birinchi o‘rinbosari lavozimi qisqartiriladi; Transport vazirligi huzuridagi Avtomobil yo‘llari qo‘mitasi raisi – transport vaziri o‘rinbosari lavozimidagi «transport vaziri o‘rinbosari» maqomi chiqarib tashlanadi.

Rahbar o‘rinbosarlari lavozimi soni 3 va undan ortiq bo‘lganda rahbarning birinchi o‘rinbosari lavozimi kiritilishi mumkin.