Rossiya Qrimda keng miqyosdagi harbiy mashg‘ulotlarni boshladi

Mashg‘ulotlarga 10 mingdan ortiq harbiylar, 1,2 mingdan ortiq harbiy texnika, 40dan ortiq jangovar kema va 20ta ta'minot kemasi jalb etilgan.

Foto: TASS

Qrimda Rossiya qurolli kuchlarining keng miqyosdagi harbiy mashg‘ulotlari boshlandi. Bu haqda «Interfaks» xabar bermoqda.

Rossiya mudofaa vazirligining ma'lumot berishicha, harbiy mashg‘ulotlarda o‘n mingdan ortiq harbiy xizmatchi qatnashmoqda.

Mashg‘ulotlarga 1,2 mingdan ortiq harbiy texnika, 40dan ortiq jangovar kema va 20ta ta'minot kemasi jalb etilgan.

Qayd etilishicha, Rossiya mudofaa vaziri Sergey Shoygu Qrimga yetib kelgan. U jangovar texnikalar joylashgan hududlarni ko‘zdan kechirgan hamda dengiz va quruqlikdagi guruhlarning tayyorgarligini nazoratdan o‘tkazgan.

Shoygu aprel boshlarida Rossiya armiyasining jangovar tayyorgarligi tekshiruvdan o‘tkazilishini e'lon qilgandi. Ma'lumot berilishicha, aprel oyida butun Rossiya bo‘ylab 4048ta turli miqyosdagi mashg‘ulotlar o‘tkaziladi.

Tayyorlagan Дилшод Аскаров

#Rossiya #Qrim #harbiy mashg‘ulot

2020 yil mart oyi oxirida ukrainalik harbiylar Donbassdan berilgan artilleriya zarbalari qurboni bo‘ldi. Aprel oyi boshida Rossiya Ukraina bilan chegarada qo‘shinlarini to‘play boshladi.