Samarqandda «Lacetti» bilan to‘qnashgan «Isuzu» yuk mashinasi ag‘darilib ketdi

Samarqand viloyati Narpay tumanida «Lacetti» va «Isuzu» yuk mashinasi ishtirokida yo‘l-transport hodisasi ro‘y bergan. Bu haqda viloyat IIB YHXB xabar bermoqda.

Ma'lum qilinishicha, joriy yilning 23 aprel kuni soat 5:40larda M-37 «Samarqand — Buxoro — Turkmanboshi» xalqaro avtomobil yo‘lining Samarqand viloyati, Narpay tumani hududidan o‘tgan 108-kilometrida yo‘l-transport hodisasi ro‘y bergan.

1958 yilda tug‘ilgan haydovchi I.S. boshqaruvidagi «Lacetti» avtomashinasi 1980 yilda tug‘ilgan haydovchi S.X. boshqaruvida bo‘lgan «Isuzu» yuk avtomashinasi bilan to‘qnashuv sodir etgan. Oqibatda «Isuzu» yo‘lni ajratib turuvchi to‘siqqa urilgan va ag‘darilib ketgan.

Ta'kidlanishicha, mazkur hodisada hech kim tan jarohati olmagan. Ammo yo‘l o‘rtasidagi beton ustiga ag‘anab ketgan «Isuzu» batamom yaroqsiz holga kelgan.

Qayd etilishicha, ushbu yo‘l-transport hodisasi yuzasidan Narpay tumani IIB YHXB tomonidan surishtiruv harakatlari olib borilib, to‘qnashuv sodir bo‘lish sabablariga aniqlik kiritilmoqda.

Samarqandda «Labo» haydovchisi «Nexia»ning yo‘lini to‘sib janjal chiqardi va mushtlashuvning oldini olmoqchi bo‘lgan shaxsni pichoqladi

Samarqandda Qozog‘istonga tegishli yuk mashinasi ag‘darilib ketdi