Apple kompaniyasi iOS 15 operatsion tizimini taqdim etdi

iOS 15 operatsion tizimida foydalanuvchi kiruvchi xabarlarni filtrlashi mumkin bo‘ladi: bunda u ayni vaqtda kimlardan xabarlar kelishi mumkinligini belgilaydi. Zarur bo‘lmagan xabarlar esa keyinroq, belgilangan vaqtda aks etadi.

Apple kompaniyasi WWDC 2021 anjumanida iOS 15 operatsion tizimi taqdimotini o‘tkazdi.

Ma'lumot berilishicha, FaceTime yangilanishlarga ega bo‘ldi. Jumladan, SharePlay rejimida Apple Music orqali birgalikda qo‘shiqlar eshitish yoki filmlar tomosha qilish mumkin bo‘ladi. Seansning istalgan ishtirokchisi kontentni qo‘yishi, to‘xtatishi yoki o‘tkazishi mumkin. Bundan tashqari, FaceTime chatiga Apple qurilmasiga ega bo‘lmaganlar ham brauzer orqali ulanishi qo‘shila oladi.

Shuningdek, iOS 15 operatsion tizimida foydalanuvchi kiruvchi xabarlarni filtrlashi mumkin: bunda u ayni vaqtda kimlardan xabarlar kelishi mumkinligini belgilaydi. Zarur bo‘lmagan xabarlar esa keyinroq, belgilangan vaqtda aks etadi.

Kameralar fotosuratlardagi matnlarni taniy oladi hamda nusxa ko‘chiradi. Spotlight dasturi esa suratga olingan joy, odamlar, manzara va obektlar orqali fotosuratlarni qidirish imkonini beradi.

Lokator xizmatida o‘chirib qo‘yilgan va ma'lumotlar o‘chirib tashlangan qurilmani topish imkoniyati paydo bo‘ladi.

iOS 15 operatsion tizimining beta-versiyasi foydalanuvchilar e'tiboriga iyulda havola etiladi.

#Apple #iOS 15