Qashqadaryolik ayol Sherobod bozorida o‘g‘irlik qildi

Sherobodda ikkita ayolning sumkasini o‘g‘irlagan qashqadaryolik ayolga nisbatan jinoyat ishi ochildi. Bu haqda Surxondaryo viloyat IIB xabar bermoqda.

Tafsilotlarga ko‘ra, H.G. IIBga murojaat qilib, 22 may kuni soat 11:20larda Sherobod tumanidagi Dehqon bozorida joylashgan savdo rastasida savdo qilib turganida, notanish ayol sumkasi, «Samsung J-2» telefoni, 2 mln so‘m pulini o‘g‘irlab ketganini ma'lum qilgan.

Ichki ishlar organlari xodimlari tomonidan ko‘rilgan choralar natijasida, ushbu o‘g‘irlikni Qashqadaryo viloyati Dehqonobod tumanida yashovchi, T.B. sodir etganligi aniqlangan. Undan ashyoviy dalil olingan. 

T.B. 2020 yilning 22 oktabr kuni Sherobod tumanining Xo‘jgi mahallasida yashovchi, T.S.ning savdo do‘konidan ichida 825 ming so‘mi bo‘lgan sumkani ham o‘g‘irlagan.

Ushbu holatlar bo‘yicha T.B.ga nisbatan Jinoyat kodeksining 169-moddasi 3-qismi «a» bandi bilan jinoyat ishi qo‘zg‘atilgan.