Malayziyada lokdaunni uzaytirishga qaror qilindi

Malayziya bosh vaziri Muhiddin Yassin koronavirusning jadal tarqalishi oldini olish uchun mamlakatda amal qilayotgan karantin choralarini uzaytirishga qaror qildi.

Lokdaunni 28 iyundan bekor qilish rejalashtirilgan edi. Biroq mamlakatda 26 iyunda 5,8 mingta yangi kasallanish holati qayd etilgach, karantinni uzaytirishga qaror qilindi.

Yassin kunlik kasallanish holatlari 4 mingtadan kamaysa, karantin choralarini bekor qilish masalasi qayta ko‘rib chiqilishini aytgan.

May oyida Malayziya bosh vaziri 12 maydan 7 iyungacha navbatdagi cheklovlar kiritilishini e'lon qilgan. Jumladan, jamoat tadbirlari o‘tkazishga, restoranlarga borishga, favqulodda vaziyatlar, ish, emlash va boshqa o‘ta zarur holatlardan tashqari shtatlar va hududlar ichida harakatlanishga taqiqlov kiritilgan.