Samarqandda vagondan ruda toshlarini o‘g‘irlayotgan shaxsga jinoiy ish qo‘zg‘atildi

Samarqand viloyati Paxtachi tumanida vagondan ruda toshlarini o‘g‘irlayotgan shaxs IIB xodimiga qarshilik ko‘rsatib, unga jarohat yetkazgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 24 iyun kuni Paxtachi tumani Ziyovuddin shaharchasida yashovchi, 1991 yilda tug‘ilgan A.O. «Ziyovuddin» temir yo‘l bekatida yuk vagoniga chiqib, ruda toshlarini o‘g‘irlayotganda, holatni shu yerda xizmat olib borayotgan kichik serjant K.Rasulov ko‘rib qolib, A.O.ni to‘xtatgan.

Shundan so‘ng A.O. IIB xodimiga faol qarshilik ko‘rsatib, kichik serjant K.Rasulovga tan jarohati yetkazgan.

Qayd etilishicha, holat yuzasidan A.O.ga nisbatan Jinoyat kodeksining 219-moddasi 2-qismi bilan jinoyat ishi qo‘zg‘atilgan. Huquqbuzar Jinoyat-protsessual kodeksning 221-moddasi tartibida ushlangan.

Surishtiruv davomida mazkur shaxs muqaddam Jinoyat kodeksining 140-moddasi 1-qismi, 277-moddasi 1-qismi va 109-moddasi 1-qismi bilan sudlangani aniqlangan.

Samarqandda metall shar o‘g‘rilari ushlandi

Namanganda temir yo‘l bekatidan 642 kilogramm ko‘mir o‘g‘irlaganlar qo‘lga olindi