Samarqandda sodir bo‘lgan YTHda 24 yoshli piyoda vafot etdi

Samarqand viloyati Jomboy tumanida sodir bo‘lgan yo‘l-transport hodisasida 24 yoshli piyoda vafot etgan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 20 iyul kuni soat 3:00larda M39 Almati-Toshkent-Termiz xalqaro avtomobil yo‘lining Jomboy tumani Beshbola MFY hududidan o‘tgan 1065-kilometrida odam o‘limi bilan bog‘liq yo‘l-transport hodisasi ro‘y bergan.

Toshkent-Samarqand yo‘nalishida harakatlanib kelayotgan «Lada Largus» mashinasi yo‘lning belgilanmagan joyidan kesib o‘tayotgan 24 yoshli yigitni urib yuborgan. Oqibatda yigit og‘ir tan jarohatlari olib, shifoxonada vafot etgan.

Jomboyda sodir bo‘lgan yo‘l-transport hodisasida tuman Xalq qabulxonasi haydovchisi vafot etdi

Samarqandda Isuzu avtobusi va Damas to‘qnashdi. Ikki kishi vafot etdi