Pokistondagi avtohalokatda gaz balloni portlashi 10 kishining umriga zomin bo‘ldi

Pokistonning Panjob viloyatida 8 avgustda yuz bergan yo‘l-transport hodisasida kamida 10 kishi halok bo‘ldi. Geo News telekanalining xabar berishicha, 7 kishi shifoxonaga yetkazilgan, biroq ulardan biri keyinroq vafot etgan.

Politsiya ma'lumotlariga ko‘ra, Gujranvala shahrida yuz bergan avtohalokatda yuk mashinasi yo‘lovchilarni olib ketayotgan avtofurgon bilan to‘qnashib ketgan. Shundan keyin avtofurgonning orqa qismida o‘rnatilgan gaz balloni portlab ketgan.

Mahalliy shifoxona xodimlarining ta'kidlashicha, jarohatlanganlarning ahvoli og‘ir deb baholangan.