O‘zbekistonda 30 yilda tug‘ilishlar soni 16,4 foizga oshgan

30 yilda tug‘ilishlar soni 16,4 foizga oshgan. Bu haqda Davlat statistika qo‘mitasi ma'lum qildi.

Qo‘mita xabariga ko‘ra, 1991 yilda 723 420 kishi tug‘ilgan. Shundan 372 193 nafari - 51,4 foizi o‘g‘il bolalar, 351 227 nafari - 49,6 foizi qiz bolalar.

Qayd etilishicha, 2020 yilda tug‘ilganlar soni 841 817 nafarni tashkil etib, shundan 436 351 kishi - 51,8 foizi o‘g‘il bolalar, 405 466 kishi - 49,2 foizi qiz bolalarni tashkil etgan.

Ma'lum qilinishicha, 2021 yilning yanvar-iyun oylarida respublikada 390,7 ming tug‘ilish qayd etilgan.